Filipinas Heritage 2014, bimmista iti Vigan

Bimmisita iti Vigan ti nangabak a Ms. Filipinas Heritage 2014 a ni Ms. Odessa Tadaya , kabayatan iti selebrasyon iti Solidarity Festival.
Ti kan iyuumay na iti Vigan ket gagem na nga adalen dagiti nabaknang a kultura ken pakasaritaan iti Ciudad, kasta met kadagiti dad-duma a lugar iti pagilyan nga addaan iti nabaknang a tawid.
Inpeksa na pay ti suporta na iti Vigan City para iti New 7 Wonders Cities of the World ket kasta met a tumulong kan a mangikampanya ti Vigan para iti daytoy a pasalip.
Ni Odessa Tadaya, ket manipud iti Guimba Nueva Ecija, ken isu na ti mangrepresentar ti Pilipinas iti maaramid nga Ms. Heritage World 2014 sadiay South Africa inton Disyembre 13, nainget kan ti panagsagana na iti daytoy a contest.