Napili ti Brgy. Pantay Fatima a nakaisayangkatan ti kick off activity para ti makabulan a pannakaganuat ti Ligtas Tigdas 2014, babaen daytoy ti panagkinnammayet ti DOH ken ti City Government Ti Vigan . Inlungalong daytoy dagiti opisyales ti Ciudad nga idaulloan ni City Mayor Eva Medina. Daytoy nga addang ket maisayngkat iti intero a pagillian. Maidanun met daytoy kadagiti nagduduma a barangay ditoy Ciudad. Kangrunaan a mangipaay daytoy a mangprotektar kadagiti ubbing kontra ti kamuras. Maiyaw-awis ngarud daytoy a programa tapno gundawayan dagiti taga vigan. Naigiddan ti pannakairugi ti Ligtas Tigdas 2014 ti panakaisayangkat dagiti nagduduma a programa kas ti Tignay a Panangtarabay ti Barangay sadiay Pantay Fatima Vigan City. Nailungalong daytoy a gannuat babaen kadagiti opisyales nga idaulloan ni City Mayor Eva Medina. Nakaragsakan met daytoy nga addang dagiti agindeg ti nasao a barangay kangrunaan kadagiti opisyales.
City Information: (077) 722-8771 – 75 local 206
City Tourism: (077) 722-8771 – 75 local 104
admin@vigancity.gov.ph