Opisyales ti Probinsiya ken Ciudad, nangisayangkat ti Ice Bucket Challenge

Agosto 28 idi insayangkat ni Ilocos Sur Governor Ryan Singson ti Ice Bucket Challenge iti mismo a sanguanan ti Provincial Capitol. Karaman kadagiti innominate na ket dagiti opisyales ti Ciudad a Vigan nga idaulloan ni City Mayor Eva Marie S. Medina. Idi umuna nga aldaw ti bulan ti Setyembre, inawat dagiti City Officials ti challenge ket insayangkat da ti ice bucket sadiay Vigan Heritage Village.
Tunggal maysa kadagiti opisyal ket adda met kabukbukodan da nga innominar kas kenni Mayor Eva Medina ket innominate na ti Administrative Council ti UNP nga idaulloan ni Dr. Gilbert Arce, ni met Vice Mayor Lulu Baquiran ket ti met Vice Mayor League ti Ilocos Sur idnto a dagiti kokonsehales ket nadumaduma a personalidad ken grupo.
Nag enjoy met dagiti opisyales a nangisayangkat ti Ice Bucket Challenge. Ngem imbes a mangipaayda ti pondo para ti ALS Awareness Campaign, napili a recepient t donasyon dagiti opisyales ti ciudad ket diay STAC Parents Association of Vigan Inc. Napili ti Vigan Heritage a venue kas wagas ti panangital-o ti lugar ken kanayunan metten ti kampanya para ti New7 Wonders Cities bid ti Vigan. Naragsakan met ti Gobernador ti probinsya, gapu ti panangawat daytoy a challenge dagiti Opisyales ti Ciudad.