Proyekto iti 3 nga Barangays iti Vigan, nainspection babaen ti Team iti City Project Monitoring Committee

Proyekto iti 3 nga Barangays iti Vigan nainspection babaen ti Team iti City Project Monitoring CommitteeNaaramid ti inspection kadagiti proyekto iti tallo a Barangays iti Vigan babaen kadagiti mangbukbukel ti City Project Monitoring Committee a pakabilangan ni Maximo Rabanal, Agar Villanueva., DILG representative, AmadoValdez ken Barangay Captains Edmund Supnet, Edwin Alicante ken Elizabeth Anicas. Tapno masigurado a dagitoy nga naileppas a proyekto ket sinurot met lang dagiti contractor iti pannakaimplementar na, wen no saan a nasurot iti nakaylanad iti Program of Work wenno POW.
Immuna a napanan ti team ket iti Barangay Rugsuanan, ditoy a nakita ti proyekto a pannaka-construct ti phase 2 iti covered court da, a ti project cost na ket agarup a 264, 442. 20 a ti pondo a naaramat ket naggapu manipud iti City Aid iti barangay ken Annual Development Fund.
Simmaruno a proyekto a nakita ket ti road concreting iti Brgy. Bongtolan, a daytoy a proyekto ket agatiddog iti 100 meters , addaan kaakaba a 5 meters ken kapuskol nga 6 inches.. Agdagup iti agarup 550,000 ti nasao a proyekto ,350,00 ti naggapu manipud iti RA 7171 fund, ken ti City Aid ti Brgy, para iti tawen 2013 ken 2014 nga agdagup iti 200,000.
Naudi a nainspection a proyekto ket ti Multi Purpose Hall Phase 3 iti Brgy. Ayusan Norte, nga aggatad iti 789,800 nga napundwan baben iti City Aid iti Brgy. nga agdagup iti 100,000. 150,000 met ti naggapu iti BDF, ken manipud iti RA 7171 fund ket 539,800.