Maysa a programa nga ilunglungalong ti DILG ket ti Millenium Development Goal Family Based Action for Children and their Environs in the slums wenno MDG faces. Programa a mangipaay ti tulong wenno panangtarabay kadagiti pamilya tapno maipaayan ti napinpintas a masakbayan dagiti annakda, babaen ti pannakitinnulong ti City Government. Ken kasta pay kadagiti maseknan nga ahensya ti Gobyerno.
Kadagupan ti uppat a pulo a pamilya ti napili manipud ti ciudad a vigan. Dagiti miembro ken opisyales iti nasao a grupo manipud Barangay III ti Ciudad iti nagsapata iti imatang dagiti opisyales ti Ciudad nga idaulloan ni City Mayor Eva Medina. Adda met nga inmatangan daytoy a gannuat ni CSWDO ken pannakabagi manipud DILG. Kasta pay sinaksian pay daytoy a gannuat ni Brgy. Captain Purisimo Francisco Jr. Iti Brgy. III Vigan City.
Dagiti opisyales ti nasao a grupo ket idaulloan ti Presidente ni Mary Joy Pilar. Karaman kadagiti sinapataan da ket ti saan a panagbisin dagiti annak da ken maited dagiti kangrunaan a kasapulan, pannakaited ti adal ingana a makaturpos iti umiso a tiempo, maipaayan ti napintas a salun-at, nadalus nasalun-at ken natalged nga aglawlaw. Mangnamnama met dagiti opisyales a babaen daytoy nga addang ket tumanor dagiti ubbing a nasayaat a makipagili ditoy Ciudad.
//Ciudad Vigan News Patrol
City Information: (077) 722-8771 – 75 local 206
City Tourism: (077) 722-8771 – 75 local 104
admin@vigancity.gov.ph