Naangay iti umuna a gundaway iti daytoy a termino ni Mayor Eva Medina ti pannaki-uman uman kadagiti kameng ti Vigan City Press Coprs, gunglo dagiti media practitioner iti Ilocos Sur idi Agosto 25, 2007, nga inatendaran dagiti department heads, division chiefs iti Lgu Vigan , ken dagiti opisyales.
Kagiddan met a naisayangkat ti panagsapata dagiti opisyal iti nasao nga organisasyon babaen ti panangsapata ti Ina ti Syudad Mayor Eva Medina. Dagiti opisyal ti City Press Corps., ket idaolwan ni Amado Valdez, manipud DZVV kas presidente , Peter Rebunal,bise-presidente, Jane Ballad-secretary, Jun Ramos- Treasurer,Mike Escobar-Auditor, Chairman of the Board-Lito Javier, Board of Directors-Tet Gerrido,Nemia Reburon, Edison Raboy, Freddie Lazaro, Ronald Ayunon, ken Mancielito Tacadena.
Ti Vigan City Press Corps, ket nabuangay idi taw-en 2002, babaen iti liderato ni Mayor Eva, ken nai-tultuloy idi administrasyon ni Mayor Ferdi, agingga ita agdama. Agarup duapulo ket walo dagiti miembros na. Ti pannakabukel ti organisasyon ket gagem na ti panangkakaysa dagiti kameng ti media, ken katulungan ti City Government a mangimpormar kadagiti tattao dagiti maar-aramid a programa ken proyekto iti Vigan.
Iti mensahe ni Mayor Eva kadagiti media, pinagyamanan na dagitoy iti suporta ken serbisyo nga it-ited da iti siudad, ken indawat na pay ti pannakitin-nulong da iti tallo pay a taw-en. “Give us a chance to work for you, give us a chance to work with you, and give us a chance to work f or the people of Vigan,” kinuna ni Mayor Eva.
Innayon pay ni Mayor Eva, nga no adda maipilaw kadagiti opisyales, dept’ heads, ken dagiti empleayado, masapul a saan koma met a personal, ken no adda negatibo a damag mainaig met iti trabaho da, masapul a maikkan da kan met ti chansa a mangipeksa ti biang da. Ket no adda napintas a maaramidan, masapul a maibaga wenno maipakaamo kan met lang daytoy.
“Sapay koma ta agtul-tuloy tayo kas partner, saan a kayat na a saw-en a kayat da kayo a kontrolen, no di ket partners iti panag-dur-as ti Vigan, daytoy ti balikas ni Bise Mayor Franz Ranches kadagiti media.
Iti biang dagiti kameng ti Vigan City Press Corps, agyaman met dagitoy ti talek ken suporta nga inted ti gobyerno siudad kadakauada, ken mabil-bilang laeng kan nga Local Government Unit (LGU) iti Ilocos Sur kas iti siudad ti Vigan, ti mang-mangted importansya kadagiti kameng ti Media, a buklen dagiti adda ti print, broadcast ken tri-media. /eve