Naiwaras dagiti agarup 1, 141 a timba iti 16 liters a pinta sadiay Vigan Convention Center para kadagiti amin a pampubliko a pagadalan iti elementarya ken sekunarya ditoy ciudad. Indauluan daytoy ti ina iti ciudad a ni Mayor Eva Marie S. Medina a binayabay met laeng da Vice Mayor Lourdes Baquiran, Committee on Education Chairman Joy Benette Orio, SPM Carlo Medina, Ramil Arce ken George Villanueva.
Kagiddan iti daytoy ket iti pannakaipaima met dagiti tarpaulin, bookmarks ken stickers kadagiti mangidadaulo kadagiti nagduduma a pampubliko a pagadalan iti elementarya ken sakundarya ditoy ciudad no sadino naglaon daytoy iti pannakaipromote iti ciudad tay a mapabilang iti New 7 Wonders Cities of the World. //Janice Mandac