Phase 10 Iti Drainage Canal Sadiay Eastern Barangays, Nalpasen

Nalpasen idi napan a lawas iti phase 10 iti drainage canal iti eastern barangays iti ciudad a masarakan sadiay San Jose, Vigan City. Daytoy ngarud iti nainspeksyon itay agsapa babaen kadagiti mangbukbukel iti City Project Monitoring Committee. Agpateg daytoy iti agarup P3,994,791.36 Manipud local government fund. Agatiddog daytoy iti agarup dua gasut tallo pulo ket dua a metro, aguneg iti 1.8M ken agakaba iti 1.3M. Maipalagip a nairugi daytoy phase x iti nasao a proyekto idi Marso bente kwatro ket nalpas iti uneg iti sangagasut innem a pulo ket walo nga aldaw. Dakkel ngarud daytoy a tulong para kadagiti agindeg iti nasao a lugar nangruna ket adda tayon iti makunkuna a rainy season. Naruay kan ngamin dagiti danum a maurnong kadagiti igid iti kalsada nangruna kadagiti gundaway a napigsa iti tudo.