Chess tournament naangay

Ti gobierno siyudad Vigan ket nangangay ti patorneo iti chess a naaramid ditoy city hall. Daytoy a pasalip ket maysa kadagiti tinaw-en nga isaysayangkat ti gobierno siudad a paay-ayam kas paset ti youth and sports development program. Dua a categoria ti pasalip. Ti umuna ket categoria ti ub-ubbing, agtaw-en ti 16 agpababa wenno junior category ken 17 nga agpangato met ti categoria ti natataeng wenno senior category. Agarup 49 players ti nakipartisipar ti junior category ken 31 met ti senior category.Kalpasan ti dua nga aldaw a pannakaaramid ti nasao a patorneo, naigasatan manen ni Dave Patrick Dulay a nangala ti umuna a pwesto ( junior category) nga addaan gunguna a P 3,000.00 ken tropeo. Ti nakagon-od ti maikadua a pwesto ket ni Lord Sean Lopez ( P2,000.00 ken tropeo) ken maikatlo met ni Jemima Valdes (P1,000.00 ken tropeo). Naala met ni National Master Nico Alisangco ti kampeonato iti senior category nga addaan premyo a P3,500.00 ken tropeo, Ronald Adaya iti maikadua a pwesto (P2,500.00 ken tropeo) ken Mario Foronda ti maikatlo (P2,000.00 ken tropeo). (by Julius Edward Apelin)